CD UND PLATTEVERKAUF

Ab sofort kasch d CD «Ganz Basel macht jetzt Krach» an de folgende Ort hole:

–  An de Heimspiel bim Container
– Saal 12 | Weidengasse 53
– Didi Offensiv | Erasmusplatz 12

Me git was me wott!

D Vinyl Platte gits an de Heimspiel bim Container und im Saal 12.

AABELADE

Zum «Ganz Basel macht jetzt Krach» digital aabelade, kasch du do dr Code vo dinere Downloadkarte iigää, wo bi dinere CD oder Platte drbi isch. Die folgende Sache gits z erwähne:

– Mir empfähle d CD uff eme Computer aabezlade und nid uff em Handy
– D Lieder sin inere ZIP-Datei verpaggt *
– Drmit au die ältere Lieder aktuell bliibe, isch zudäm no die erschti Kurve-CD «E n’Urschrey für Blau und Rot» usem 2008 drbii

Zum d Lieder aabelade, bitte di Download-Code im nochfolgende Fäld iigäh und uff «Redeem» klicke.

Achtung, du kasch d Lieder nur eimol aabelade

 

* Uff MacOS Catalina gits Problem mitem entzippe. Lösig: S Album mit «The Unarchiver» entpagge – aabelade kasch das Programm im Mac App Store. Wichtig: Bi dr Installation vo «The Unarchiver» muesch s Encoding «Westeuropäisch (DOS Latin 1)» wähle.

hintergrund

Dr FCB aatriibe, füre peitsche, zum Gool singe. Sich sälber fiire, kritisiere, hochnää. Dr Gegner usefordere, abemache, ins Lächerlige zieh. Wenn das Match für Match im Stadion passiert, spiele sie d Hauptrolle: d Lieder us dr Kurve. In de vergangene zwei Joor hän mir uns zämme mit 21 KünschtlerInne und Bands us dr Region dra gmacht, e paar vo däne Lieder uff e kreativi Art und Wiis neu z interpretiere. Drbi isch e Platte usekoo, wo nid nur verschiedenschti Genres abdeggt, sondern au zeigt, dass dr FCB für ganz Basel e wichtigi Institution isch.

Roli Frei  |  Brandhärd  |  Brass Department  |  Jakob Künzel  |  Männerstimmen Basel  |  Büllshitwää  |  Herr Iselin  |  Lovebugs  |  The Amber Unit  |  Reset  |  The Lost Art  |  Kalles Kaviar  |  Noëlle & Mattia  |  Kurve Jam Band  |  Mañana Me Chanto  |  Klass 5b  |  Pyro & Mos  |  InBalkon  |   RapBau  |  Cécile, David, Joachim & Matthias | Sinfonieorchester Basel

Menü schließen